Na Larry Kimura a me Bruce Torres Fischer
E nā makamaka ʻōlelo Hawaiʻi mai Haʻehaʻe a i ka mole ʻolu ʻo Lehua, aloha nui ʻoukou. Eia he kūkala nū hou no ka hoʻolaha ʻia o kekahi ʻohina leo a ʻike mānaleo Hawaiʻi hou loa ma ke kaha pūnaewele ʻo Kaniʻāina.
Ua kapa ʻia kēia ʻohina hou ma ka inoa ʻo Nā Pūʻolo Wainohia, he mau leo aloha kēia o nā mānaleo hope loa o Hawaiʻi i hoʻopaʻa ʻia me ke ahonui e kekahi mau lae oʻo kūpaʻa no ka hoʻomau ʻia o ko Hawaiʻi ʻōlelo ʻōiwi i ʻole e nalowale aku. Na kēia mau pūʻolo wainohia hoʻi e pūʻā i ka leo i nā pepeiao lohe i kani ola hou ai ka ʻōlelo Hawaiʻi. Aia i laila he mau hola leo nīnauele e pili ana i ka inoa ʻāina, ka nohona kanaka ma nā ʻāina like ʻole o Hawaiʻi, ka puolo, a me nā hana noʻeau a ka Hawaiʻi. No kekahi o kākou, he mau leo makamae kēia o ko kākou mau ʻohana kūpuna na lākou i makana manawaleʻa mai me ka naʻau aloha no nā pua o Hawaiʻi nei.
Eia nā inoa o nā kānaka lae oʻo nāna i hoʻopaʻa i ka ʻike mānaleo Hawaiʻi o kēia ʻohina leo hou: ʻO Hailama Farden, Kalena Silva, Pila Wilson me Larry Kimura.
No lākou ka hoʻomaikaʻi nui no ka makana ʻana mai i kā lākou hana koʻikoʻi hoʻopaʻa leo makamae o nā mānaleo nāna i manawaleʻa mai me ka ʻoluʻolu wainohia. Aia kēia mau pūʻolo ma www.ulukau.org/kaniaina ma lalo o Nā Waihona → Nā Pūʻolo Wainohia. E kipa aku nō!
From Haʻehaʻe to the foundation of Lehua, aloha nui to all. It gives us great pleasure to announce the release of a new collection named Nā Pūʻolo Wainohia (Treasured Gifts) on the Kaniʻāina website.
This new collection contains the precious voices of some of Hawaiʻi’s last native speakers of the Hawaiian language that were recorded with care and much hard work by young champions for the life of our native language. These collections of interviews so graciously given will help ensure that the ʻike contained within is passed forward. Within the many hours of Nā Pūʻolo Wainohia are topics focusing on place names, music, ways of life in Hawaiʻi, and traditional practices. For some of us, these esteemed voices are those of our own family, freely given from their naʻau for the benefit of future generations in Hawaiʻi.
The following are the names of those young champions who took on the labor of love to document the valued knowledge of these native speakers: Hailama Farden, Kalena Silva, Pila Wilson, and Larry Kimura.
We thank you for gifting your important work in recording the esteemed voices of those native speakers who graciously shared their knowledge. These pūʻolo are available at www.ulukau.org/kaniaina under Collections → Nā Pūʻolo Wainohia. Come and visit!
