Hoʻolaha Palapala Hoʻomākaukau Mea ʻAi Kanaka

0
115

Read this article in English

Na Dr. Kū Kahakalau

He ʻīpuka ia no nā ʻōpio Hawaiʻi e komo i ka ʻoihana mea ʻai ʻŌiwi me ka uku ʻole

Ke hoʻomākaukau nei ʻo EA Ecoversity no ka hoʻomaka ʻana o ka papahana ʻo Kanaka Culinary Arts i kēia kauwela 2024. He papahana ʻelua makahiki ia e kālele ʻia ana ma luna o ke kuanaʻike Hawaiʻi. Eia kekahi, he papahana uku ʻole ia, a ʻo ke kumu o ia papahana, ʻo ke aʻo ʻana i nā kānaka maoli hoihoi i ka ʻoihana hoʻomākaukau meaʻai Hawaiʻi.

Kia ko EA Ecoversity papahana ʻo Kanaka Culinary Arts i ke aʻo ʻana i ka hoʻomākaukau ʻai kanaka hāʻehuola, ma ke ʻano ʻai kuʻuna, a me nā kaila o kēia au kekahi, i hana ʻia me ke kalo, ka ʻuala, ka ʻulu, ka iʻa a me nā ʻai ʻē aʻe i hoʻoulu ʻia ma Hawaiʻi nei. Aʻo ʻia aku nō hoʻi nā haʻa- wina Hawaiʻi, ʻoia hoʻi ka ʻōlelo Hawaiʻi, nā lula Hawaiʻi, nā moʻolelo kahiko a me ka ʻike kūpuna lehulehu e pili ana i ka ʻai.

Photo: ʻIʻini Kahakalau and Makana Oliveros-Kahakalau
Instructors ʻIʻini Kahakalau and Makana Oliveros-Kahakalau preparing Poi Stew

Hoʻohui ʻia ko EA Ecoversity papahana ʻo Kanaka Culinary Arts i ke aʻo ʻana ma o ka ʻenehana a me ka hui kino i hiki i nā haumāna ke hoʻomaʻamaʻa a loaʻa iā lākou nā mākau hoʻomākaukau mea ʻai e pono ai no ke komo ʻana a me ka holomua ʻana i ko Hawaiʻi ʻoihana mea ʻai. Kōkua aku kēia ʻano aʻo pālua ʻana i nā haumāna e hoʻopaʻa i nā kuanakuhi, nā hana lima hoʻomākaukau ʻai kanaka, a me ka ʻike ʻoihana hoʻomākaukau ʻai. Kākoʻo hoʻi kēia papahana i nā haumāna e hoʻomaʻamaʻa i nā mākau hoʻomākaukau mea ʻai, a lā-kou e aʻo ʻia ana e nā loea kanaka maoli hoʻomākaukau mea ʻai. He mea nui ia no ka holomua ʻana i ko lākou ʻoihana.

Koi ka papahana i ʻumikūmālima (15) hola i kēlā me kēia pule o nā kau ʻehā (4). Ke pau ia papahana me ka pono, e loaʻa ana i nā haumāna ka palapala Kanaka Culinary Arts maiā EA Ecoversity i hōʻoia hoʻi ʻia e nā loea ʻoihana Hawaiʻi a me nā kula ʻo Kamehameha (KS).

Mahalo ʻia ko EA Ecoversity ʻoihana kākoʻo ʻo Kū-A-Kanaka LLC, a me KS Kaiāulu, Spectrum a me ka Mellon Foundation. ʻO lākou ke kumu no ke komo ʻana i kēia papahana me ka uku ʻole. Eia kekahi, uku ʻia nā huakaʻi i nā kau ʻehā, he ʻekolu lā ka lōʻihi, i ka mokupuni o Keawe, e lākou. ʻO ke kumu o kēia mau huakaʻi, ʻo ke aʻo ʻana mai i ka hoʻomākaukau ʻana i ka ʻai kanaka e nā loea Hawaiʻi.

ʻO ka mākia o kēia papahana pālua ʻo Kanaka Culinary Arts, ʻoia ka hoʻohikiwawe i ke komo piha ʻana o nā haumāna i ko Hawaiʻi ʻoihana mea ʻai ma ke kaulua ʻia ana o kēlā me kēia haumāna me kekahi kumu kākoʻo. Hoʻolako hoʻi ʻia lākou i nā manawa kūpono e hana lima i ka ʻai a kōkua hoʻi ʻia lākou e komo i ka hana paʻa hoʻomākaukau ʻai kanaka.

“ʻO EA Ecoversity ka papahana ʻimi naʻauao ʻōiwi kūʻokoʻa ʻai māiki mua loa. A nui ko mākou mahalo i nā loea ʻoihana ʻai e kākoʻo i kā mākou mau haumāna e kūlia i ka nuʻu. Na ia mau loea ka hōʻoia ʻana i ko mākou mau ʻai māiki a me ke aʻo ʻana aku i nā haumāna ma ke ʻano he kahu ʻai malihini, a he kumu kākoʻo. A na lākou hoʻi e hoʻonoho i nā hana lima i hiki i nā haumāna ke hoʻomaʻamaʻa i ka hoʻomākaukau ʻai kanaka,” wahi a Pōlani Kahakalau-Kalima, EA Ecoversity executive director.

Wahi a ka poʻe noiʻi, ʻoi aku ka wikiwiki o ka ulu ʻana o ka ʻoihana mea ʻai ma mua o nā ʻoihana ʻē aʻe ma Hawaiʻi nei. Eia kekahi, nele nā mokupuni a pau i nā hale ʻāina mea ʻai kanaka ʻole. No ia mau kumu, he wā maikaʻi loa kēia no ke kāinoa ʻana i ko EA Ecoversity papahana ʻo Kanaka Culinary Arts e hoʻomaka ana i kēia kauwela 2024. No ka mea hoʻomākaukau kēia papahana i nā haumāna i ko Hawaiʻi ʻoihana mea ʻai, ma ke ʻano he kālepa a i ʻole he lima- hana i kahi hale ʻaina.

Space is limited!

Self-motivated young Hawaiians, ages 15-30, serious about joining our first cohort to prepare for a career in Hawaiʻi’s food industry are asked to click the link below and fill out our interest form by March 15, 2024. Hawaiian industry experts interested in supporting our ʻōpio, please contact Kū Kahakalau at ku@kuakanaka.com to schedule a ZOOM call.

https://bit.ly/EAEcoversityCulinary