Na Mālia Purdy, Ph.D., Executive Director, Hui No Ke Ola Pono
He kahuna kahu hānai ʻohana hou ʻo Kahaili Tovey, DNP, APRN, FNP-BC no Hui No Ke Ola Pono. He pilina ko Kahaili ma ke ʻano aloha no ke olakino, ka ʻohana, ko Hawaiʻi, a me ka lāhui.
ʻO Wailuku, Maui, kona one hānau. Ma ʻAmelika i huakaʻi hoʻonaʻauao ai ʻo Kahaili ma mua o ka hoʻi ʻana i Maui nō ka ʻoi. Ua loaʻa iā ia kāna palapala Laeʻula o ka Hoʻomaʻamaʻa Kahu Hānai mai ke Kulanui o Hawaiʻi ma Mānoa a ua ʻoliʻoli ʻo ia i ka hana ʻana ma ka ʻohana Hui a no kona lāhui.
Mālama mua ʻo Kahaili i ka poʻe o nā pae makahiki like ʻole, me ka nānā ʻana i ka pale olakino a me ka mālama ʻana i ka ʻōmaʻimaʻi. Hoʻokumu ʻia kāna hana mai loko mai o nā waiwai ʻo ka mālama, ke kuleana, a me ka pilina. Ma lalo o ka malu o kēia mau loina ʻo ia e hoʻonui ai i ka hilinaʻi, e mālama ai i ka moʻolelo o kēlā me kēia kanaka, a pēlā pū ka mālama maikaʻi loa ʻana iā lākou.
Mai kona wā kamaliʻi mai, no Kahailu, ua ʻeleu, pena, a hoihoi loa e aʻo i nā mea like ʻole . Ua puni ʻo ia i ka ʻepekema no ka mea ma laila nā hāʻina o kāna mau haʻohaʻo ʻana a ma laila pū ka ʻaʻa nui e ʻimi mau.
I ka manawa like, ua kanaka mai ʻo ia i kona moʻomeheu Hawaiʻi. Ua maopopo iā ia ʻaʻole he kino wale nō ke kino – he waihona ia no ka moʻolelo, he ala e kaʻana like ʻia ai a ola nā moʻolelo a me ka ʻike. No laila, ʻo ke olakino ka mea nui nona a ua hoʻoulu ʻia kona ʻi’ini e aʻo no ke kino, a hiki loa i ka pae hunaola.
Ua maopopo leʻa iā ia kona ala i ka wā huʻeaʻo ma ka Hui No Ke Ola Pono, kahi āna i aʻo ai e pili ana i nā hana kuʻuna a me ka huakaʻi a puni ʻo Maui e hana pū ana me nā kauka Hawaiʻi. Ma ka ʻike ʻana i nā kauka e mālama ana i nā ʻohana mokupuni a me ka ʻōlelo Hawaiʻi ma nā wahi e like me Hāna, ua ʻike ʻo ia ʻo ka ʻoihana kauka kahi e noho pū ai ka moʻomeheu Hawai’i, ke olakino, a me kona akeakamai.
ʻO ka ʻōlelo Hawaiʻi a me ka lawelawe ʻana i ka lāhui nā mea nui iā ia, a hōʻike ʻia aku i loko o kāna mau hana i kēia lā kēlā ʻano kūpaʻa. He makua haʻaheo ʻo ia no ʻeono mau keiki a he lālā kūpaʻa pū nō hoʻi ma ke Kula Kaiapuni.
