Na Hiʻilei Patoc, Papa 11, Hālau Kū Māna
ʻO kēia ka ʻōlelo noʻeau aʻu i koho ai, “E kaupē aku nō i ka hoe, a kō mai.” ʻO ka haʻawina nui o ia ʻōlelo noʻeau, e hāʻawi ʻoe i kou mea ʻoi aku a pahu akula ʻoe i mua hoʻi. Hāʻupu mai kēia ʻōlelo noʻeau iaʻu e hoʻopau i nā hana āpau i hoʻomaka ai, a e hoʻoluʻu i kuʻu hoe i loko o ke kai o ka ʻike i aʻo ʻia mai iaʻu. A laila, hoʻohana au i kēlā e pahu iāʻu iho i mua. I kēia makahiki nei, iaʻu e hele i kēia kula hoʻāmana ʻo Hālau Kū Māna, e hoe waʻa ana wau no ka hui waʻa ʻIlau Hoe. I kēlā me kēia lā, ʻike wau i ka mana hoʻokahi i hana ʻia e nā kumu, nā poʻe kula, a me nā haumāna i mea e kō ai i nā pahuhopu like ʻole.
Lohe wau i nā kāhea aku i ka mā-kou lāhui, e ʻō iho i kā kākou hoe i ke kai a huki i mua. Hoʻopōmaikaʻi au no kēia wā kūpono i loaʻa ʻia ai iaʻu, he haumana la, ma Hālau Kū Māna e hoʻoulu i koʻu ʻike a me koʻu mākau i mea e pane i ia mau kāhea. ʻO ka ʻike i aʻo ʻia mai iaʻu e Hālau Kū Māna e pane i ia mau kāhea. Ua kōkua ʻo Hālau Kū Māna iaʻu, e kūkulu i kahi kahua ʻike. ʻAʻole wale au i aʻo mai i ka manaʻo e kū a he Hawaiʻi akā naʻe, ua hāʻawi ʻia nō hoʻi au i nā mea lako e pono e ola ma ke ʻano he Hawaiʻi a hoʻomaʻa i kēia i kēia honua nei.
ʻO ka hula, ke oli, ka ʻōlelo Hawaiʻi, me ka mālama ʻāina, ʻo ia hoʻi nā mea pono. Me ke kākoʻo ʻana a kaʻu mau kumu kula me nā kumu pāʻani, ʻike nō au hiki iaʻu ke kō i kaʻu mau pahu- hopu like ʻole. Ua aʻo ʻia mai e nā loina a me nā manaʻo o kuʻu mau kumu, ʻo Kumu Imai Winchester, ʻo Kumu Kaleilehua Maioho, ʻo Kumu Kaui Naniole, ʻo Kumu Kaʻimi Kaina me kaʻu mau kumu pāʻani ʻo Reggie Keaunui lāua ʻo Dennis Naʻauao e alakaʻi mai iaʻu ma koʻu ala.
Ma kekahi lā, e nānā hope ana au e ʻike i kaʻu mau mea hoʻomaikaʻi, he wahi mahalo kēia i nā poʻe i hāʻawi mai i kaʻu aʻo ʻana. He paipai kēia iaʻu e mau ai e hoʻoluʻu ʻana i kaʻu hoe i ke kai a huki iaʻu iho i mua.
