Photos: Kamehameha Schools
Hāhālua, Wākiu, Kalamakū, Lauaʻe, Kuwā, Kāʻilialoha, ʻŪkiu. ʻO ia nā inoa i kāʻana ia me iaʻu mai ka wā kāhiko mai. “E ola ʻAlalā,” ʻo ia ka ʻōlelo ma mua o kō mākou nele loa ana mai nā kuahiwi.
ʻAʻole lākou like i kapa ia iaʻu. He huna ia. Nahenahe ke mele o ka ʻehu kakahiaka. ʻOʻolokū ana nā manu mele hulahula ana ma nā lālā o ke kumu mai o maʻo. Puka ana nā ao, a lele aku mākou mai nā ʻōhiʻa o ka papa kaupoku, alohilohi kehau ma nā lehua.
Luʻu ana i ka papa hapamalu, e ʻai mākou i ka pilo me ka hōawa lana wale ka manaʻo o koʻu home, kohu māʻona mai ka wā ma mua. ʻOi aku ka nui o nā hoa e launa pū ai, nā mea e hulahula ana ma mā lau e heleleʻi ana ʻimi ana nā ʻelalala o lalo. ʻAʻohe like me mākou. Maliʻa paha hoʻokahi lā e loli ai kēia. Kohu kāhiko au, ma loko no o koʻu ʻōpio mau no ka pono e aʻo no ke au kūlohelohe.
Kāhiko no ka nahele e paʻa hohonu ai na aʻa i ka honua. Ua ʻao mākou i nā ʻano hou e kukā me kekahi, he mau kani hou e hiki ai mākou ke kāʻana i nā moʻolelo hou o kēia wā. He hekili ke ʻano o koʻu mau hulu ʻuliʻili a mākule kolu mau maka. ʻOi aku ka ikaika o koʻu wāwae. Māmau no hoʻi ke kaʻapeha o koʻu mau ʻēheu. Lana koʻu manaʻo i nā āwawa o lalo a maʻō loa o ke kai ʻuli. Maliʻa paha e lele aku mākou i ʻō.
