ʻO Hoʻokipa Hawaiʻi i ka Hopena Pule Mua o Pepeluali!

0
56

Read this article in English

Unuhi ʻia e nā limahana o ʻŌIWI-TV

Ma ka lā 3 me ka lā 4 o Pepeluali, 2024, e mālama ana ko NaHHA i hanana i kapa ʻia ma ka inoa ʻo “Hoʻokipa Hawaiʻi Weekend ma ka Royal Hawaiian Center” ma ka Poʻaono e hoʻomaka ma ka hola 12 o ke awakea a pau ma ka hola 8 o ke ahiahi. Ma ka Lāpule, e hoʻomaka ma ka hola 12 o ke awakea a pau koke ma ka hola 6 o ke ahiahi.

He leo kono kēia i nā kamaʻāina a me nā malihini e launa pū, e aʻo, a e nanea i ka nani o ko kākou kaiaulu Hawaiʻi.

Ma kēia hanana e mālama ai ʻo NaHHA i nā pānela i pili i nā pilina mai uka a i kai. E mālama pū ʻia nā hana noʻeau, ka haʻi moʻolelo, ke kilo hōkū, ka hōʻikeʻike paikini, a e hoʻokani pila nā puʻukani. Ma ka mākeke Kuhikuhi e kālepa aku ai nā pāʻoihana Hawaiʻi i nā ʻano mea like ʻole.

E nanea pū mai nō i ka hula me ke mele ma ka papahele ʻehā, ka lānai hoʻi ʻo Poi & Palaka Lounge.

He leo kono kēia i nā kamaʻāina e hele mai a noho ma Waikīkī no ka hopena pule. Ma ka hoʻolaukaʻi pū ʻana, ua hōʻemi ʻia ke kāki lumi no nā kamaʻāina ma ʻeono hōkele kikoʻī. E kele aku i nā loulou o lalo no ka hoʻopaʻa ʻana i lumi ma Oʻahu a e nanea pū mai nō me mākou!

E kele aku i www.nahha.com no ka ʻikepili hou aʻe. E launa pū mai nō!