E Ola ka ʻŌlelo Hawaiʻi

0
31

Read this article in English

ʻO Frederick W. K. Beckley Jr. ka polopeka ʻōlelo Hawaiʻi mua loa ma Ke Kulanui o Hawaiʻi mai ka makahiki 1921 a i ka makahiki 1926. ʻO John H. Wise, ʻo Henry P. Judd, ʻo Edward Kahale, ʻo Samuel H. Elbert, ʻo Samuel A. Keala, ʻo Rubellite Johnson, ʻo Fred Kalani Meinecke, ʻo Alberta Pua Hopkins, ʻo Dorothy Kahananui, lākou ʻo Larry Kimura nā Kumu ʻŌlelo Hawaiʻi i ka wā ma mua. Nui nā Kumu ʻŌlelo Hawaiʻi e ʻōlelo, e ʻike i ka papa helu o nā Kumu ʻŌlelo Hawaiʻi ma Mānoa (www.kawaihuelani.org/no-mua-ke-aloha).

Ua aʻo ʻia ka ʻŌlelo Hawaiʻi ma nā kula kaiāulu ʻē aʻe. ʻO kekahi o nā kumu ʻo Edith Kanakaʻole ma Ke Kulanui Kaiāulu o Hawaiʻi a me Ke Kulanui Hawaiʻi ma Hilo, ʻo Naomi Losch ma Ke Kulanui Kaiāulu o ʻEwa, ʻo Edith McKinzie ma Ke Kulanui Kaiāulu o Honolulu, ʻo Malie Mossman ma Ke Kulanui Kaiāulu o ke Koʻolau, a ʻo Amy Tam ma ke Kulanui Kaiāulu o Maui.

He ʻelua makahiki o ka ʻōlelo Hawaiʻi ma nā kulanui kaiāulu a he ʻehā makahiki ma nā kulanui. Na Ka Hālau ʻŌlelo Hawaiʻi o Kawaihuelani ma lalo o Hawaiʻinuiākea ma Ke Kulanui o Hawaiʻi ma Mānoa e hāʻawi aku i ke kekelē laepua me kekelē laeoʻo. Na Ka Haka ʻUla o Keʻelikōlani ma Ke Kulanui o Hawaiʻi ma Hilo e hāʻawi aku i ke kekelē laepua, ke kekelē laeoʻo, me ke kekelē laeʻula. E noʻonoʻo pono e aʻo mai i ka ʻōlelo Hawaiʻi ma ke kulanui kokoke iā ʻoe.