He ʻoiaʻiʻo hoʻokāhāhā ko ka noiʻi hou i hōʻike ʻia ma 2025 ʻAha Kūkā Noʻeau Hoʻokele Waiwai o ka Native Hawaiian Chamber of Commerce (NHCC): ʻo Hawaiʻi ka mua o ka ʻāina i ka pukaneʻe, a ʻoi loa aku ka nui o nā Hawaiʻi e noho ana ma waho o Hawaiʻi ma kahi o ka noho ʻana ma Hawaiʻi nō. ʻO ka mea kupanaha, na 37% o ka poʻe pane anamanaʻo i hāpai no ko lākou ʻimi ikaika i ka haʻalele ʻana iā Hawaiʻi.
ʻO ka nohona waiwai ke kiʻina e hoʻoponopono ai i kēia pilikia. Ma o ka hoʻokumu ʻana i nā ala e kū ai i ka holomua waiwai—ma ke ʻano he ʻoihana kūʻokoʻa a i ʻole ka hoʻoulu ʻana i ka ʻoihana, hiki iā kākou ke kōkua i nā Hawaiʻi e puka lanakaila ma ko lākou one hānau me ka haʻalele ʻole.
Wahi ʻo Jalene Kanani Bell, ka pelekikena a me ka luna hoʻokele hana noʻeau o NOHO HOME, i ʻōlelo ikaika ai ma ka ʻaha: “I mea e hiki ai i nā Hawaiʻi i puka lanakila ma ko lākou one hānau iho ma ka wā e hiki mai ana, pono kākou e hoʻokumu i nā ala paʻa, mai wā hānau a i ka wā kolopupū– ma nā ʻoihana kūloko a i ʻole ma ke ʻano he poʻe hoʻomohala i kā lākou ʻoihana iho.
“ʻAʻole lawa ka ʻike i ka mākeke liʻiliʻi o ʻaneʻi; pono e hiki ke hoʻopili i ka nohona hoʻokele waiwai o ka huakaʻi ʻana ma Hawaiʻi a hoʻonui aku i nā mākeke kūloko, kūʻāina, a honua hoʻi. Ma o ka ʻike ʻana i ka pā o ka mākau, ka lawelawe, a i ʻole ka ʻoihana i loko o kēia mau mākeke pili pū, hiki iā kākou ke kūkulu i nā ala hana. Hoʻomana kēia mau ala i nā Hawaiʻi e ulu mau a e kū i ke kūpaʻa waiwai.”
Ua kūpaʻa ʻo NHCC i ka ʻauamo i ke kuleana ʻo ke kūkulu me ka hoʻoponopono i kēia mau pilikia ma o nā papahana e like me Project Hoʻomana, he papahana o nā hālāwai kūkākūkā, nā hui ʻana, ke aʻoaʻo, a me kahi hui kūikawā no nā ʻoihana liʻiliʻi a me nā ʻoihana kūʻokoʻa. Hoʻomākaukau kēia mau hana i ko kākou kaiāulu a mākaukau ma nā hana e pono ai ka holomua mau a me ke kūpaʻa.
Ma ka hana pū ʻana, e huli nō ke auma ka ʻimi ikaika me ka noke mau – e hoʻopau ai i ka pukaneʻe o nā Hawaiʻi no ke ola kūʻonoʻono o nā Hawaiʻi ma Hawaiʻi nei nō.
:){kind=link}