Unuhi ʻia e Keaukulukele
He mau mea ulu ko Hawaiʻi pae ʻāina i kapa ʻia ai he ʻohe, a i hoʻokomo ʻia ai hoʻi ma nā ʻohana mea ulu ʻokoʻa. He pohihihi ka maopopo ʻana ʻo ka ʻohe hea e kūkā ʻia ana e haʻi. ʻO ka ʻohe puna paha ia? ʻO ke kumu ʻohe paha, e hana ai i ke kūkuluaeʻo? ʻO ka mauʻu ʻohe o ka nahele? ʻO kekahi ʻano ʻohe ʻē aʻe paha? ʻO ka ʻohe hea nō ia?
ʻO ka mauʻu ʻohe ka hoihoi noʻu. He ʻāpaʻakuma ka mauʻu ʻohe ma nā mokupuni a pau o kēia pae ʻāina, koe wale ʻo Niʻihau a me Kahoʻolawe. He ulu nō ia mauʻu ma ka ʻaoʻao makani o ka moku-puni ma ka nahele, ma ka lepo. He ʻekolu kapuaʻi kona kiʻiekiʻe loa. ʻAʻohe ʻala o ka mauʻu ʻohe, ʻaʻohe ona nani loa. ʻAʻole maopopo nō hoʻi iā kākou i ke ʻano o kona hoʻohana ʻia e ka poʻe kahiko. He ʻai nō paha kona ʻanoʻano na ka manu, he manu paha i halapohe ʻē maila. Inā ʻoe i pā mua i ka ʻohe puna o Hawaiʻi nei, inā nō he ʻano like nō ka ʻoiʻoi o ka lau a me ka pale o ia ʻano ʻohe me ka ʻoiʻoi a me ka maneʻo o ka mauʻu ʻohe ke pā aku. He like nō nā hiʻohiʻona o nā mea ʻelua.
