Unuhi ʻia e Jacob Aki
Auhea ʻoukou e nā kupa o kēia pae ʻāina, mai ka moku o Keawe a hiki i Niʻihau o Kahelelani. I kēia mau lā, nui ka hoihoi o ka poʻe mai ʻō a ʻō ʻoiai e nānā pono nei i ka papahana ma ke Kapikala. Ua hoʻākoakoa ʻia ka ʻAhaʻōlelo O Hawaiʻi ma ka lā 19 i ka mahina aku nei no ke kau mau o kēia makahiki. No laila, ʻo ia nō ka hoʻomaka ʻana o ka wā a kākou i kapa ʻia ʻo “Legislative Session.”
I kēia kau ʻahaʻōlelo, na kā-kou ma ka Native Hawaiian Chamber of Commerce, ke hana pū nei me kekahi mau ʻahahui no ka hoʻopaipai ʻana o ka papahana ʻahaʻōlelo a me nā hana sīwila, ʻoia hoʻi no nā ʻōpio. ʻO Ka Leo O Nā ʻŌpio (KONO) he hoa kākoʻo nui i kēia papahana nui e hoʻokiʻekiʻe ai ka leo o ka hanauna hou.
E kūlia nei mākou e hoʻolako ʻia he mau manawa kūpono no nā ʻōpio e hana pū me kekahi i kekahi (me nā kaiāulu hoʻi) i mea e lilo i mākaukau no nā kūlana alakaʻi. I nā mahina e hiki ana mai, e hoʻopaʻa mā-kou i nā hanana like ʻole pili i ka papahana ma ke Kapikala. Ma o i ia mau hanana, na nā ʻōpio (a me nā le lālā o NHCC) e launa ana, e kūkākūkā ana me nā alakaʻi aupuni a me nā alakaʻi like ʻole. ʻO ia mau hanana, he manawa kūpono no hoʻi no nā ʻōpio e kaʻana aku kā lākou mau manaʻo pili i nā mea like ʻole.
No laila, inā hoihoi ʻoukou e kākoʻo i kēia papahana, e kāhea aki iā KONO ma o ka leka uila ma info@kaleoonaopio.org.
