Na Andrew Rosen, Luna Hoʻokō NHCC Unuhi ʻia e Robert Lono Ikuwa
He mea nui ka lilo ʻana o ka hui ʻoihana kālepa o nā ʻōiwi Hawaiʻi i kōkoʻo hou me ko ke Keʻena o Economic Revilization (OER). ʻO ka pahuhopu nui o ia pilina hou, ʻo ia ka māhuahua ʻana aʻe o nā ʻoihana maikaʻi no ka poʻe ʻōiwi a me ka hoʻoikaika ʻia ʻana o nā ʻoihana ʻuʻuku mai ka puka ʻana aku ʻo ia wā maʻi ahulau.
Ua hoʻokumu ʻia ka OER i ka hoʻomaka o ka wā maʻi ahulau e ke Kūlanakauhale a me ke Kalana o Honolulu i mea e hoʻolilo pono ʻia ai ke kālā kōkua o ko ka Pēkēlala Kānāwai CARES. Ma muli o ia kānāwai, ua hōʻemi ʻia ke kaumaha o nā ʻoihana ʻuʻuku a me nā ʻohana pū kekahi.
I ke kaʻa ʻana o ka ekonomia, ua kia ʻia ka manaʻo o OER e kūkulu i ʻoihana maikaʻi: e kūkulu ʻia i ʻoihana paʻa no ke kaiaulu, e mālama ʻia ka hana maikaʻi a nā kamaʻāina, a e hoʻoikaika ʻia ka mākaukau o nā poʻe kamaʻāina e loaʻa ai nā ʻoihana pono.
Na ka hui BCE (Business and Consittutent Educators) e hoʻokō ʻiʻo nei i ka pahuhopu nui o OER. Hele kino lākou i nā ʻoihana ʻuʻuku a puni ko Hawaiʻi pae ʻāina e hoʻolohe i nā pilikia like ʻole o nā kānaka a e hoʻolauna aku iā lākou me ko ke Kalana a me nā ʻoihana ʻauhau ʻole. I laʻana:
- Pono e loaʻa nā limahana mākaukau no kāu ʻoihana ʻuʻuku? Me ka ʻuku ʻole, na ka BCE e hoʻopili aku iā ʻoe me lākou.
- Pono e hoʻoikaika ʻia kāu social media a me online marketing? Me ka ʻulu ʻole, na ka BCE e hoʻolauna aku iā ʻoe me kekahi poʻe akamai e kamaʻilio ai.
- He pilikia paha kou me ko ke kūlanakauhale? Na ka BCE e kōkua ma ka hoʻopono ʻana i ia mea.
He wahi kono kēia iā ʻoukou e naue mai ma ka lā mua o Pēpēluali mai 11:30 a.m. – 1:00 p.m. ma Oʻahu Country Club, 150 Country Club Road. E mālama ʻia ana kekahi ʻaha ʻāina āwakea e hōʻike ana pehea e kōkua ana ka BCE me ka OER i nā ʻoihana ʻuʻuku. E naue mai! I ʻike ai ʻoe i ke kāinoa ʻana, e hele aku i kēia lou o ka ʻoihana kālepa ma www.nativehawaiianchamberofcommerce.com.
ʻO ka pahuhopu nui o kēia hui ʻoihana kālepa, ʻo ia ke kōkua ʻana aku i nā poʻe ʻōiwi me ka hoʻoikaika, hoʻonaʻauao, kākoʻo a me ka hana pū ʻana i holomua a māhuahua aʻe ke kaiaulu. E ʻoluʻolu, e naue mai ma ka lā mua o Pēpēluali ma Oʻahu Country Club!
.){kind=link}