E Hoʻolauleʻa i ka Mahina ʻŌlelo Hawaiʻi ma ka Hopena Pule ʻo Hoʻokipa Hawaiʻi

0
41

Read this article in English

I kēlā me kēia Pepeluali, e hoʻolauleʻa ʻo Hawaiʻi i ka Mahina ʻŌlelo Hawaiʻi, e hoʻohanohano a a paipai ana i ka hoʻōla hou ʻana i ka ʻōlelo Hawaiʻi a i ka holomua nui o nā hana hoʻōla ʻōlelo. Ma ka Mahina ʻŌlelo Hawaiʻi ola ka ʻōlelo Hawaiʻi ma nā wahi like ʻole o ka lehulehu, ma ka hoʻonaʻauao, a me ka pāpaho pū kekahi.

He kuleana koʻikoʻi ko nā hanana e like me ka Hoʻokipa Hawaiʻi Weekend i ka hoʻoholomua ʻana i kēia hana nui ma o ka hoʻokumu ʻana i nā wahi e kōkua ai ka poʻe anaina i ka hoʻōla hou ʻana i ka ʻōlelo, me hōʻoia ana i ke ō o kēia hoʻoilina nani o ko kākou mau kūpuna.

He hanana kaiāulu manuahi ka Hoʻokipa Hawaiʻi Weekend na ka ʻAhahui Hoʻokipa ʻŌiwi Hawaiʻi. Ma ia hanana e ʻike ʻia ai nā ʻano mea ʻōlelo Hawaiʻi like ʻole, ʻo nā papa ʻōlelo Hawaiʻi ʻoe, ʻo nā hōʻikeʻike hana noʻeau ʻoe, ʻo ka haʻi moʻolelo ʻoe, ʻo ka hoʻokani pila ʻoe, a pēlā pū nā ʻano mea like ʻole e hoʻoikaika ana i ka ʻōlelo Hawaiʻi.

  1. Nā Papa a Hōʻikeʻike ʻŌlelo Hawaiʻi: E komo ka poʻe i ka papa ʻōlelo Hawaiʻi i alakaʻi ʻia e ka poʻe poeko a me nā kumu aʻo ʻōlelo Hawaiʻi. Ma ia mau papa, e aʻo mai i nā waiwai Hawaiʻi, nā māmala ʻōlelo Hawaiʻi, a me ka hoʻopuka ʻōlelo ʻana i mea e hoʻoikaika ai i ka ʻōlelo Hawaiʻi.
  2. Haʻi Moʻolelo a me ka Hoʻokani Pila: ʻO ka moʻolelo Hawaiʻi kahi hana kuʻuna i mālama ʻia ai ka mōʻaukala, nā waiwai, a me nā haʻawina Hawaiʻi. E haʻi ʻia mai nā moʻolelo me ka hōʻike pū i ka manaʻo a me ke kaona o nā huaʻōlelo a pēlā pū nā mele e ola ai kēia mau moʻolelo.
  3. Papahana Keiki: E hōʻike ana kā mākou mau hoa o INPEACE i kā lākou hōʻikeʻike ʻo Kaulele e hana lima ai nā keiki ma o ke ala aʻo STEM, e aʻo ai nā keiki no ka loko iʻa me ke kaulana mahina ma o ka ʻōlelo Hawaiʻi ma ke ʻano leʻaleʻa loa.

E ikaika hou mai ke aukahi i kēlā me kēia pilina i mea e ola ai ka ʻōlelo Hawaiʻi!

E ola mau ka ʻōlelo Hawaiʻi!