Ua maopopo ka lawaiʻa Hawaiʻi i ka hua ʻana o nā iʻa. He mea kēia e ʻaeʻoia ai ka iʻa i kēlā me kēia makahiki. ʻAi ʻia kekahi iʻa i kekahi kau, me ka makaʻala ʻana i ka hua ʻana o nā iʻa. ʻO ka panina o Lonoikamakahiki ka ili ʻana mai o ke kapu ʻōpelu a hiki i Iulai, a ua noa naʻe ke kapu aku a hiki i waena o ke kau wela.
Maikaʻi ka iʻa i ka vikamina B, ʻiokine, a me ka seleniuma.
He pale ʻokikene ikaika ka seleniuma, e kākoʻo ana i ka ʻōnaehana kūpalehia a e kōkua ana i ka ʻāʻīpau. Nui pū hoʻi ka ʻakika momona ʻomega-3. He mea nā ʻakika momona ʻomega-3 e nā ai ka lumakika, hoʻēmi ʻia nā kūlana triglyceride, a e kuemi ana i ka pilikia maka. Eia pū kekahi, hoʻēmi ʻia nā manawa e pilikia ai i ka maʻi puʻuwai.
ʻAʻole hoʻi like ka maikaʻi o ka huāle ʻomega-3. ʻO ke kumu hoʻi, ke ʻai ʻia ka iʻa, he nui like ʻole nā mea maikaʻi hou aku ma waho o ka ʻomega-3 wale nō, a pēlā e piʻi aʻe ai ka maikaʻi o ke olakino. Eia hoʻi kekahi, i ka hana hōʻike ʻana i nā huāle ʻaila iʻa, ʻaʻole i like ka nui o ka ʻaila iʻa maoli me ka nui i hoʻolaha ʻia, a i kekahi manawa ua pau ka pono o ka ʻaila iʻa.
Wahi a ka ʻAhahui Puʻuwai o ʻAmelika (American Heart Association) he maikaʻi ka ʻai ʻana i ʻelua haʻawina ʻai o ka iʻa pā pule (3-4 ʻoneki o ka haʻawina ʻai hoʻokahi) i mea e emi ai i ka mīkā koko. ʻO ia hoʻi he 3 kalamu a i ʻole 300 milikalamu o nā ʻakika momona ʻomega-3 o ka haʻawina ʻai hoʻokahi. Ma ke emi ʻana o ka mīkā koko e emi pū ana ka weliweli maʻi puʻuwai. 300 milikalamu i ka haʻawina ʻai 4-ʻoneki o ke aku maka, he 350 milikalamu hoʻi o ka ʻahi, he 875 milikalamu ko ka ʻula- ʻula koaʻe, a puka ka 1,000 milikalamu ma ka ʻōpelu a me ke akule!
E koho pono, e koho iʻa hoʻi, ma nā wā a pau i hiki.
