Na Ellise Fujii Unuhi ʻia e Justin Santos
E nā hoa makamaka, he wahi hoʻolauna kēia no ka luna hoʻoponopono waiwai hou ʻo Mahina Eleneki Hugo ma kā mākou papahana, ʻo ka Liliʻuokalani Trust. ʻO Mahina Eleneki Hugo ka luna hoʻoponopono waiwai he 18 ma ka papahana.
He kama ʻo Mahina Eleneki Hugo no ka ʻāina kaulana ʻo Kailua, Oʻahu. He ʻiʻini kona e kākoʻo a kōkua aku i nā keiki o ko kākou lāhui Hawaiʻi ma nā ʻano hana like ʻole.
I ko Mahina Eleneki Hugo ulu aʻe ʻana, nui kona kalena i ka pāʻani pōpaʻipaʻi. Ua ulu hoʻi kona aloha i ka pāʻani pōpaʻipaʻi ʻana i kona wā papa ʻehiku ma ke kula waena. Ma muli o ka ʻoikelakela o kona pāʻani pōpaʻipaʻi ʻana, ua makana aku ke kula nui o Hawaiʻi ma Mānoa iā ia i kālā kōkua no ka hele ʻana aku i ke kula nui. I kona wā ma ke kula nui, ua pāʻani ʻo ia ma ke kime pōpaʻipaʻi, ʻo ke kime Rainbow Wāhine.
Ma muli o ko Hugo mākaukau no ke alakaʻi ʻana, ua hāʻawi ʻia ke kūlana ʻo ka luna hoʻoponopono waiwai iā ia. Ma mua o kēia, ʻo Hugo ka poʻokula o La Pietra Hawaiʻi. A laila, ua lilo ʻo ia i Executive Director of Youth Development no ka papahana.
ʻO kona lawelawe ʻana ka mea i hoʻomākaukau aku iā ia i kona kūlana ma ke ʻano he luna hoʻoponopono waiwai ʻo Liliʻuokalani Trust. Ma hope o ke alakaʻi ʻana o Thomas K. Kaulukukui ʻŌpio ʻo ia i holomua ai, nona ke kuleana koʻikoʻi he 25 makahiki ka lōʻihi i ka loli ʻana o ka Trust i mea e waiwai ana. Hana pū ʻo ia me Claire Asam lāua ʻo Robert “Bob” Ozaki.
ʻO ke alakaʻi, he loina o ka Hawaiʻi. A no laila, he ʻiʻini ko mākou e paipai ai nā keiki e kūlia i ka nuʻu, e hoʻokāʻoi, a e hoʻomohala i ka noʻonoʻo ma nā ʻano hana like ʻole. Na Hugo e aʻo aku a hōʻike aku i nā keiki i ke alakaʻi. Ma laila ke ola a ma laila e hua ai ke alakaʻi no ko kākou lāhui Hawaiʻi.
Ma ka lā 1 o Pepeluali o ka makahiki 2023 ana ʻo ia e komo ai i loko o ka Papa Luna Hoʻoponopono Waiwai LT.
