Poke Nū Hou | February 2020

0
378

Read News Briefs in English

Tech Talk with Kumu ‘Ōlelo Hawai‘i

Photo: Tech Talk Video
(L-R) Kaipo Leopoldino, Kamehaililani Waiau and Jonah Kahanuola Solatorio are all using technology to teach Hawaiian language to their students at St. Louis, Samuel Kamakau Public Charter School and Kamehameha Schools respectively. View video of their lively discussion filmed in Liliʻuokalani Hall at OHA.- Photo: Jason Lees

Ua Makana ʻia Ka Hale Aliʻi o ʻIolani i ka Pōhaku Kihi Hoʻomanaʻo

Ua makana ʻia ʻo Friends of ʻIolani Palace i ka pōhaku kihi hoʻomanaʻo e nā lālā o ka Lodge le Progres de lʻOceania, ka Hui Malū Makona o ka Mōʻī Kalākaua ma ke awakea o ka lā 31 o Kekemapa, 2019, ka lā hoʻomanaʻo hoʻokahi haneli kanahā o ke kīpapa ʻana i ka pōhaku kihi o ka Hale Aliʻi.

“Ua kōkua ka Mōʻī Kalākaua e kīpapa i ka pōhaku kihi o ka Hale Aliʻi ʻo Iolani ma kēia lā i hoʻokahi haneli kanahā makahiki aku nei, ʻo ia ka lā hānau 45 hoʻi o kāna wahine ʻo ka Mōʻī Wahine Kapiʻolani,” wahi a Paula Akana, ka Pouhana ʻo Friends of ʻIolani Palace. “Ua kīpapa ʻia ka pōhaku kihi ma o ka ʻaha makona paʻalula a mahalo nui mākou i nā makona o ia au no ia makana kupaianaha e kūkulu hou ana i kā lākou pilina me ka Hale Aliʻi.”

Ua kōlai ʻia nā lʻ hoʻomanaʻo a me ke kiʻi makona, ʻo ka pānānāme ka huinahā, ma ka pōhaku kihi hoʻomanaʻo, he ʻelima haneli paona. Ua hōʻike ʻia ka pōhaku kihi hoʻohālike ma ke alapiʻi mua o ka Hale Aliʻi ʻo ʻIolani no ka manawa; e hoʻoholo ʻia ana kahi paʻa i kekahi lā aku.

Ka Moʻopapa ʻAna i Ke Aukahi Aloha ʻĀina no Kahoʻolawe

Ua hoʻomaka ka Center for Oral History (COH), he mahele ia ma lalo o ka Department of Ethnic Studies ma Ke Kulanui o Hawaiʻi ma Mānoa, i ka Pāhana ʻOhi Moʻokalaleo Haʻi Waha o Ke Aukahi Aloha ʻĀina o Kahoʻolawe, i mea e ʻohiʻohi a e palapala ai i ka ʻike o ka poʻe i komo ma ke aukahi ma waena o nā makahiki 1976 a me 1994; ka poʻe koʻikoʻi na lākou i hoʻokū i ka hoʻopahū ʻia ʻana a me ka noho pūʻali koa ʻia ʻo Kahoʻolawe.

ʻO Kauka Davianna Pōmaikaʻi McGregor, he Kumu Kulanui ma ka Department of Ethnic Studies, ka mea nāna e alakaʻi nei i nā nīnauele e kōkua ʻia nei e Kamuela Werner, he haumāna laeoʻo Kālai Kānaka. ʻO ka pahuhopu, manaʻolana ʻo McGregor e nīnauele ʻia ana ma kahi o 100 kānaka no ia Pāhana a ua kō mua kekahi o nā nīnauele, e hoʻomaka ana me kekahi ʻelele nāna i hoʻokumu iā Protect Kahoʻolawe ʻOhana (PKO) ʻo Kauka Noa Emmett Aluli.

Ua hoʻolako mua ʻia ke kālā no ka Pāhana e Hawaiʻinuiākea School of Hawaiian Knowledge me ke kālā mai ka Native Hawaiian Education Program Noʻeau Grant, he kālā pekelala mai ke Keʻena Hoʻonaʻauao o ʻAmelika Hui Pū ʻIa. Ma muli o ka laulā o ka pāhana a me ka pono e lele pinepine i nāmokupuni ʻē ʻaʻe, e ʻimi ana ʻo COH i kālā hou aku..

E aʻo ana a e paʻa mau ana nāvmoʻolelo o nā kānaka i komo ma ke aukahi i ia wā koʻikoʻi o ka politika Hawaiʻi, ka moʻomeheu a me ka mōʻaukala piliʻuhane. E palapala leo ʻia ana nā nīnauele a e hoʻolaha laulā ʻia ana ma UH Mānoa ScholarSpace, ke kahua pūnaewele Kahoʻolawe Island Reserve Commission, a me nā ʻano kahua like ʻole.

“E lilo ana kēia mau nīnauele i paʻi wikiō ʻia i mau kumu waiwai no kānaka e noiʻi nei iā Kanaloa Kahoʻolawe a me ke aukahi Aloha ʻĀina,” wahi a Kauka McGregor.

Ua mōhala aʻela ke aukahi i kanahā makahiki aku nei i ka wā a ka PKO i hoʻopiʻi aku ai i ka ʻAha Hoʻokolokolo Pekelala ma ka makahiki 1976 (Aluli et al. V. Brown) i mea e kāohi ai i ka hoʻopahū ʻana a ka Pūʻali Kaua Moana o ʻAmelika Hui Pū ʻIa iā Kahoʻolawe. He ʻelua a ʻekolu paha makahiki ka lōʻihi a paʻa akula ia pāhana.

Ke ʻImi Nei ʻo Friends of ʻIolani Palace I Mau Kānaka Hana Manawaleʻa

Ke ʻimi nei ʻo Friends of ʻIolani Palace i mau kānaka hana manawaleʻa i mea e alakaʻi ai i kā lākou mau mākaʻikaʻi hou ʻo School Experience e hiki koke mai ana.

“Hōʻīnana ʻia Ka Hale Aliʻi ʻo ʻIolani i nā moʻolelo e haʻi ʻia nei e nā kaʻi hana manawaleʻa,” wahi a Paula Akana, Ka Pouhana o Friends of ʻIolani Palace. “Pīhoihoi mākou e hoʻomaka i kā mākou mākaʻikaʻi hou ʻo School Experience i kēia makahiki, kahi i hiki ai i nā kaʻi ke hōʻike aku i nā moʻolelo makamae i nā ʻōpio o Hawaiʻi.”

E mālama ʻia ana ka School Experience Docent Training, he ʻehiku pule ka lōʻihi, ma kēlā me kēia Poʻahā mai ka hola 9:00 kak. a i ka hola 12:00 aw. E hoʻomaka ana ma Pepeluali 27 a e holo ana i ʻApelila 9, 2020. ʻO Pepeluali, 13, 2020 ka lā palena pau no ke kāinoa ʻana.

ʻO ke ʻano o nā papa hoʻomākaukau ʻo ia ka haʻi aʻo, ka haʻawina heluhelu, a me nā pāhana ʻaeʻoia. He kanaono kālā ke kumu kūʻai no nā puke hoʻomākaukau, nā haʻi aʻo, nā huakaʻi a me nā lako ʻē aʻe e pono ai. No ka ʻikepili hou aku,e leka uila iā Timothy Pham ma kukui@iolanipalace.org a i ʻole e kelepona iā (808) 522-0822 ext. 131.

He Poʻe Hawaiʻi ma ko Hawaiʻi Hoʻolaha no ka Helu Kanaka 2020

Ua hoʻolele ka US Census Bureau i nā hoʻolaha e hoʻonuiʻike a e hoʻonaʻauao ai ka lehulehu i ka waiwai o ka hana ʻana i ka Helu Kanaka 2020. Ma ko Hawaiʻi hoʻolaha, aia kekahi mau mea kaulana mai ke kaiaulu lāhui Hawaiʻi a me ko ka Pākīpika, ʻo ia nō ʻo Mapuana De Silva, Henry Kapono, Dr. Jon Osorio a me Hāwane Rios.

He māhele liʻiliʻi nā hoʻolaha na kō ka Census Bureau paipai hoʻokaʻaʻike. I mea e hoʻomaopopo ʻia akula ai ka poʻe he nui loa a i hiki ke kō piha a pololei ka heluna kanaka, ua ʻimi ka Census Bureau i ka manaʻo, ke aʻoaʻo, a me ka ʻike noiʻi mai ka poʻe ʻokoʻa a me nā kaiāulu like ʻole i ka hana ʻana i nā ʻōlelo hoʻomaopopo ʻike. Hiki ke nānā ʻia ko Hawaiʻi hoʻolaha ma ʻaneʻi: 2020census.gov/en/partners/psa-toolkit/nhpi.html

Koho ʻo OHA i ka Luna Hoʻoponopono Haʻawina Kālā he $1.1 Miliona no ka Haʻawina Kālā Hele Kula

Ua koho ʻo OHA iā UH Mānoa Native Hawaiian Science and Engineering Mentorship Program e hoʻoponopono i ka haʻawina kālā he $1.1 miliona i haʻawina kālā hele kula nui no nā haumāna Hawaiʻi.

ʻO ke kumu o ia haʻawina kālā ʻo ia no ka hoʻonui ʻana i ka helu o nā haumāna Hawaiʻi e hemo kula ana mai nā kula nui, a ʻi ʻole i loaʻa akula ka palapala hōʻoia ʻoihana. He ʻelua mau makakoho ko ka Mentorship Program: 1) e kākoʻo i nā haʻawina kālā hele kula no nā kānaka Hawaiʻi e ʻimi ana i ka palapala hōʻoia ʻoihana, nā palapala laeoʻo a laeʻula; a 2) e kōkua i nā haumāna Hawaiʻi maʻamau ʻole i mea e kōkua ai iā lākou me ka hoʻokō ʻana i nā koina no ke kekelē kula nui a i ʻole ka palapala hōʻoia ʻoihana.

Ma o ia kūlana o ka luna hoʻoponopono haʻawina kālā, e hāʻawi ana ka Mentorship Program i nā Haʻawina Kālā Hele Kula Nui OHA i nā haumāna Hawaiʻi ma lalo o nā kula ʻumi o Ke Kula Nui o Hawaiʻi. E kaulua ana kālā me kēia haumāna i loaʻa ka haʻawina kālā hele kula me ke kākoʻo kula a e komo ana ka haumana ma ka hālāwai hoʻokamaʻāina haʻawina ma kāna kula nō. E mālama ʻia ana nā hālāwai hoʻonaʻauao ʻōleo aʻo a aʻoākumu, ka hoʻomōhala ʻoihana a alakaʻina, a me nā hālāwai hoʻonaʻauao moʻomeheu no nā haumāna i loaʻa ka haʻawina kālā hele kula e ka Program.

Ma waena o 2010 a me 2018, ua hāʻawi aku ʻo OHA i 2,000 a ʻoi mau haʻawina kālā hele kula he $5.6 miliona a ʻoi ka heluna. No ka ʻikepili hou aʻe no kō OHA Haʻawina Kālā Hele Kula Nui, e leka uila i ka Mentorship Program ma ohastem@hawaii.edu.

Loaʻa He ʻAelike e Kia i ka Hoʻohaumia Kahakai ma Kauaʻi

Me ke kū ʻelele ʻia e Earthjustice, ʻaelike akula ke aukahi o nā hui kaiaulu ʻo Nā Kiaʻi Kai, ka Surfrider Foundation, a me ka Pesticide Action Network me kō ka mokuʻāina o Hawaiʻi Agribusiness Development Corporation (ADC) i kēlā Kēkēmapa aku nei ma ka ʻaha hoʻokolokolo pekelala e kia hoʻi ma luna o ko ka ADC ʻaʻe kānāwai i ke Clean Water Act pekelala ma Kauaʻi Komohana. Ua hoʻoholo ka ʻaha hoʻokolokolo ma Iulai i ka ʻaʻe kānāwai o ka ADC i ia Kānāwai ma ka hoʻokahe ʻana i nā kālani wai he mau miliona i haumia i ka lāʻau haipilikia, ka lepo, a me nā mekala kaumaha mai ke kahua ʻauwaha ma ke Kula ʻo Mānā a i ka moana pilikahakai.

He ʻaelike ia no ka hana ʻana i polokalamu e hōʻoia ana i ka maʻemaʻe o ka wai, ka hōʻike ʻana i ia ʻikepili ʻano o ka wai ma kekahi kahua pūnaewele i noa i ka lehulehu, a e pono ana ka ADC e loaʻa akula he palapala ʻae National Pollutant Discharge Elimination System (NPDES).

Hoʻoili ʻia ma o kanahā mile ʻauwai ka wai haumia a me ka wai honua mai ka ʻāina a ka ADC i hoʻolimalima ai i nā pāʻoihana mahiʻai nui a me nā ʻo Polihale a me MacArthur. E kaupalena ana ka palapala ʻae NPDES i ka nui o ka hoʻohaumia ʻana i hiki iā ADC ke hoʻokahe i ke kai i ʻaʻe kānāwai ʻole ʻia nā ana ʻano wai.

“E noho ana kō mākou mau lālāma kahi o nā ʻauwai a e lawaiʻa ana ma kahi o nā hoʻi wai no kekahi mau hanauna,” wahi a Bren Nakaʻahiki, kekahi lālā no Nā Kiaʻi Kai. “He pono ko mākou ʻike ʻana i ka maikaʻi o ka wai i maha hoʻi ka naʻau i ka hōʻoia mau ʻia o ka haumia e like me ka wikiwiki i hiki.”

“E hōʻike ana nō ko ka ADC hoʻohiki ʻana i ka hōʻoia lāʻau haipilikia i ke kiʻi nui o ka holo kele wai haumia ma ka ʻaoʻao komohana o Kauaʻi,” wahi a Dr. Carl Berg no ka Lālā Kauaʻi o Surfrider. Ua hoʻomaka ʻo Surfrider i ke ana ʻana i ka lāʻau haipilikia ma 2013, ka mea i hoʻomaopopo ai i ke aupuni a me ka lehulehu i ka haumia o nā ʻauwai a i mea a ka mokuʻāina a me nā hui pekelala e ana hou ai.

Kahawai Honolulu

I ka hoʻomaka ʻana o Ianuali, ua hoʻopuka ka Papa Ola i ʻelua Palapala Hōʻike ʻAʻe Kānāwai (Notice of Violation and Order). Ua hoʻopuka ʻia ka mua no Hayama Trust, HH Constructions, Inc., a me Structural Hawaiʻi, Inc. no ke kīloi ʻana ma kahi o 193 ʻīā paʻaʻili ono o ka lepo, ka hakuʻili, a me nā mea kūkulu i loko o ke Kahawai ʻo Mānoa i Mei 2019. Koi ʻia ka poʻe no lākou ka palapala e kāohi i ka kīloi hou ʻana a e lawe aku i nā mea kūʻē kānāwai mai ke kahawai, a e uku i ka uku hoʻopaʻi he $40,000.

ʻO ka lua no ka ʻOihana Wai o Honolulu, R.M. Towill Corporation, SSFM International, Inc, a me Drayko Construction, Inc., no ka waiho ʻana i ka lepo mai Nuʻuanu Reservoir No. 4 i ke kahawai ʻo Nuʻuanu no 18 lā ma kēlā Pepeluali a Malaki aku nei ma 2019 a me ka hōʻike ʻole ʻana i ia waiho ʻana i ka Papa Ola no 15 lā. Ua waiho ʻia ka lepo ma muli o ka holomua ʻole o ka hana kope ma mua o ka hoʻokahe ʻana i ka wai mai ka luawai. Ua kahe ka lepo i ka puka wai o ka luawai a i ka uka o ke kahawai ʻo Nuʻuanui kā lākou hana a e loaʻa aku nā iā lākou ka uku hoʻopaʻi.

#JAM4MAUNAKEA

Photo: Video premiere of the #Jam4MaunaKea worldwide kanikapila
On January 10, hundreds attended the video premiere of the #Jam4MaunaKea worldwide kanikapila at Artistry in Honolulu. The video was released via social media the following day, where it has been viewed over 1.5 million times. OHA assisted Mana Maoli with funding and production assistance.- Photo: Jason Lees