Hele He Mau Tausani i Hawai‘i Rising

0
799

Read this article in English

Na Kainoa Kaumeheiwa-Rego Unuhi ʻia e kō OHA Paia Kāne

Ma ka lā 15 o Ianuali, ua noho kō ka Mokuʻāina o Hawaiʻi ʻAha ʻōlelo i ka ʻaha mua o 2020. ʻOiai ua nui ka ʻeuʻeu ma ka ʻAha Lunamakaʻāinana, aia ka ʻeuʻeu nui ma kahi o ke Capitol Rotunda i ka ʻākoakoa ʻana o ka poʻe Hawaiʻi tausani a me nā Aloha ʻāina i lohe ʻia ka ʻualo o kō lākou mau leo.

Ua ʻākoakoa kekahi hui o nā kānaka Hawaiʻi a me nā hui kaiāulu mai ʻō a ʻō o ka paeʻāina e hoʻolālā iā Hawaiʻi Rising, he hanana e hōʻike ana i ka manaʻo aloha ʻāina mai kō mākou mau kaiāulu i ke Kapikala. Ua alu like ka hui i mea e ʻākoakoa ai nā kānaka kaulana a hōʻihi ʻia, nāloea a me nā kumu i mea e hoʻopaipai ai ka lehulehu e komo ma nā hana ʻAhaʻōlelo.

“I kō mākou manaʻo ʻo ke aloha ʻāina he pilina hemo ʻole ia i ka mauli ola o kō mākou ʻāina, i nā kai, a me nā lani. He onipaʻa ia i ka mauli ola o ka lāhui a he hoʻokūpaʻa i ka mālama ʻana a me ke kākoʻo ʻana i kō mākou mau ʻike a hana kuʻuna e hana ʻia ai i ka poli o kō mākou ʻāina nei,” wahi a Malia Nobrega-Olivera o Kanaeokana, ka nae Kula Hawaiʻi.

Ma ka rotunda i ʻākoakoa koke ai ka lehulehu ma kahi o ke kahua e hoʻolohe i nā haʻiʻōlelo a Kahoʻokahi Kanuha a me Kealoha Pisciotta e pili ana iā Maunakea. Ua noho lākou e hoʻolohe i nā ʻōlelo aʻo o Nā Wai ʻEhā a me nā kūpuna e haʻiʻōlelo ana, a e komo i ka ʻAha ma ka hoʻomaka ʻana, ma waena a ma hope hoʻi o ka hanana.

Ua komo he mau haneli hou i nā papa a ke Kula Nui ʻo Puʻuhuluhulu, ʻo ia nō ʻo “Organizing to Build People Power” na Aikea, “Protecting Salt Ponds on Kauaʻi” me Malia Nobrega a me Kuʻulei Santos, a me “Kū Aliʻi: Patterns of Hawaiian Leadership” i hōʻike ʻia e Kēhaunani Abad. “He ʻiʻini hoʻokahi kō nā kānaka he mau tausani i hele mai i kēia lā e hoʻohuli i ke ao politika i ao hou i kūpaʻa i ke Aloha ʻāina,” i haʻi mai ai ʻo Kaniela Ing no Hawaiʻi Community Bail Fund. “ʻIke mākou i nā hana e hana ai no ka hoʻokō ʻia ʻana o kēia. Hoʻomaka kēia me ke komo ʻana o mākou ma ka ʻAhaʻōlelo nei, ka hoʻopuka ʻana i nā pila, ka haʻi ʻana i ka ʻōlelo hōʻike a me ka hālāwai ʻana me nā lunamakaʻāinana i kēia kau. A e koho pāloka pū ana mākou a e paipai ana i kō mākou ʻohana a me nā hoa e koho pāloka.

ʻO ka Lā 7 o Mei ka lā hoʻomalolo o Ka ʻAha Kau Kanawai o Hawaiʻi.

Links:

  • https://hawaiirising.org/about
  • https://kanaeokana.net/