Pehea kākou e mālama aʻe ai i ka leo o nā poʻe ʻōpio?

0
305

Read this article in English

Na Ian Kealiʻi Custino

Photo: Ian CustinoO Mauna Kea, Hūnā nā niho, Kahuku, Koʻikoʻi Nā Ola Pāʻele, a pēia pū me ke kia manaʻo ʻo McKinley: ʻO kēia kekahi o nā mea koʻikoʻi e nalu nei i ka noʻonoʻo o ka lāhui i kēia mau lā i kaʻa hope aʻe nei.

Ua hiki maila ko kākou poʻe ʻōpio i ke kūkā kamaʻilioʻana e pili ana nō ia mau mea nei. Pehea kākou e mālama aʻe ai i ka leo o nā poʻe ʻōpio a pehea hoʻi kākou e paipai aʻe ai iā lākou e alakaʻi maoli ma loko o kēia mau lā kūlanalana? Pehea kākou e kōkua ai i ko lākou hoʻoholomua ʻia ʻana ma ko lākou home o Hawaiʻi nei? ʻAʻole paha ma ke kono wale aku e noho ma ke pākaukau, akā ma ko lākou kūkulu ʻana i ko lākou pākaukau ponoʻī a me nā wahi e kono ʻia ai kākou e lākou.

ʻO nā kula ʻo Kamehameha, OHA, The Native Hawaiian Chamber of Commerce, The Council for Native Hawaiian Advancement, ke huliāmahi nei lākou a me nā ʻahahui ʻē aʻe e hoʻohāmama i nā īpuka, e hoʻolakolako i nā kumu waiwai, a e hoʻopaʻa i ke kāhua:

  • i hoʻopuka ʻia nā leo ʻōpio;
  • i hoʻokomo ʻia lākou i kēia hana koʻikoʻi;
  • a i hoʻokele hoʻi i ko kākou lāhui aloha

no kēia mua aku.

He laʻana maikaʻi ke kolamu o Kaleo o Nā ʻŌpio ma ka nūpepa ʻo Ka Wai Ola. Nui ko kākou makemake e hoʻonui aʻe i ka leo o nā ʻōpio i ka MH 2021 me ka manaʻo paʻa na lākou e alakaʻi i nā kānāwai kākoʻo no ka lāhui.

He mau manaʻo a hāʻina ko nā poʻe ʻōpio e alakaʻi i kēia mua aku ma ka hoʻonaʻauao ʻia ʻana paha a me ka mālama ʻana hoʻi i ka maʻi ahulau ʻo Kōvika (Covid). E ʻoluʻolu e ʻau mai e nā ʻōpio e makemake ana e komo i kēia hana a e alakaʻi hoʻi i nā mea a ke aupuni a me ke kaiāulu. E hoʻopili mai e ka lehulehu no ia hana koʻikoʻi.


ʻO Ian Kealiʻi Custino he manakia papahana ʻo ia ma ke keʻena hoʻokele kaiāulu ʻo Kamehameha. No ka ʻike ʻana i ka hana hou aʻe a nā poʻe ʻōpio, e kāhea aku iā Kealiʻi ma o ka leka uila iancustino@ksbe.edu a i ʻole @opiopowered on Instagram & Facebook.