Ke Kahua Ola o ka ʻIke

0
105

Photo: Hūala‘i Pe‘a

Na Hūalaʻi Peʻa, Papa 12 Ke Kula ʻO Nāwahīokalaniʻōpuʻu

E kū ʻelele pono no kou moʻokūʻauhau a e hoʻomau i ka paepae hou ʻana i ka ʻike o nā mākua a me nā kūpuna, i paʻa ke kahua ʻike ke puka aku i ke ao.

Ma Ke Kula ʻO Nāwahīokalaniʻōpuʻu, hoʻokumu ʻia he mākia i nā makahiki a pau no ka makahiki kula holoʻokoʻa. He ala kēia e hōʻike aku ai i nā haumāna, nā kumu, a me nā limahana i ke kūlia a hoʻokō pono i kēia mau ʻōlelo mākia i hoʻokumu ʻia.

Ma koʻu wā papa mālaaʻo ma nā makahiki 2008-2009, ʻaʻole nō i hoʻokumu ʻia he mākia, akā ua hoʻokumu ʻia he lōkō e pili ana i ke kalo. ʻO ke kalo ka mea e kū hōʻailona ana no ka moʻokūʻauhau. Ua hoʻomaka wau ma kēia ala hoʻonaʻauao a hoʻōla ʻōlelo Hawaiʻi ma ka Pūnana Leo o Hilo. Akā nō naʻe, ua hōʻoiaʻiʻo kēia lōkō ʻo ke kalo, ʻo nā hana aʻu e hana ai mai ka papa mālaaʻo a hiki i kēia lā, he ili hoʻomanaʻo i koʻu ʻohana. Mai koʻu pae haʻahaʻa, ua paʻu mau wau ma ka ʻimi ʻana i ka pae ʻoi kelakela i ola ka inoa o kuʻu moʻokūʻauhau ma muli o kaʻu mau hana. Eia wau i kēia lā, ma ka pae papa alakaʻi e mau nei ma ke ala hoʻōla ʻōlelo Hawaiʻi. Ua koho ʻia he mākia i kūpono no koʻu makahiki hope ʻo ia hoʻi, “E paepae hou ʻia ka pōhaku.” Ua hoʻomaka wau e hoʻohālikelike i ke koʻikoʻina o koʻu lōkō o koʻu makahiki mua, a me ka mākia o koʻu makahiki hope, ua pili i ke kahua paʻa o mākou. Ua hiki ke hoʻopili ʻia i ke kahua ʻohana a me ke kahua ʻike.

E ʻimi pono i ka ʻike o ko kākou moʻokūʻauhau i paʻa ke kahua no ka hoʻoili aku i kēia mau ʻike i ke kaiāulu Hawaiʻi a me ke kaiāulu o ke ao.

Be a representative of your heritage and build-up the knowledge from your family so the foundation may be made firm when stepping out into the world.

Every year, Ke Kula ʻO Nāwahīokalaniʻōpuʻu creates a motto for the entire school year. It is a way for students, teachers, and staff members to strive and relate to these mottos throughout the year and upcoming years.

In my kindergarten year, the taro logo was used to symbolize our heritage and genealogy. This logo reaffirmed that what I did then, and what I do now, will reflect upon my family. Now, being a senior, a new motto “E paepae hou ʻia ka pōhaku” (Re-set the stones, so that our home’s foundation is solid) was selected as an inspiration for this school year. I began to compare my first year’s logo and my final year’s motto, both signifying a strong foundation of family and knowledge.

Let us strive to find knowledge in our families and genealogies so our foundation is made strong, to share our knowledge with the community of Hawaiʻi and the communities of the world.