Na Thomas Grande, Esq. a me Carl Varady, Esq. Unuhi ʻia e Kaipo Leopoldino
Ua hoʻouna ʻia ka hoʻolaha ʻalua i nā kānaka o nā poʻe hoʻopiʻi o ka hihia a Kalima v. State of Hawaiʻi Hawaiian Home Lands Trust, ma hope o ka lā 31 o Ianuali i mea e hoʻomaopopo iā lākou e pili ʻana i ke kūlana o ia hihia.
ʻO ʻehā mau ʻano hoʻolaha no ia.
ʻO nā kānaka i koho e hoʻonā i kā lākou hihia, e loaʻa ʻana iā lākou i ka hoʻolaha hoʻonā i mea e hoʻomaopopo ai iā lākou, ʻaʻohe kuleana kō lākou i ka uku hoʻonā. No ka mea, nā lākou i koho e waiho i kēia hihia.
ʻO nā kānaka i kō ʻole i ke kūlana paʻa a ka HRS Mokuna 674, e loʻa ana iā lākou he hoʻolaha hoʻopiʻi ʻole. ʻAʻohe kūleana kō lā-kou i ka uku hoʻonā. No ka mea, ʻaʻole lākou i hoʻokomokomo i kahi hoʻopiʻi me ka Panela Hoʻopiʻi Hawaiʻi, nā lākou i ʻīnea me ka hilinaʻi ʻole mahope o ka lā 30 o Ianuali i ka makahiki 1988 a i ʻole ma muli o kahi kumu i kō ʻole i ke kūlana paʻa a ka HRS Mokuna 674. Hiki i nā kānaka o nā poʻe hoʻopiʻi ʻole ke alualu i kekahi hihia ponoʻī.
ʻO nā kānaka me ka hoʻopiʻi kūkulu kīnā no nā hale kūkulu ʻia e DHHL a me ka ʻāina hoʻomohale ʻia e DHHL, e loʻa ana iā lākou he hoʻolaha hoʻopiʻi kūkulu.
ʻO nā kānaka me ka hoʻopiʻi lohi, e loaʻa ʻana iā lākou i ka hoʻo- laha hōʻalia. E loaʻa ana iā lākou i ka lā hoʻomaka a me ka lā hoʻopau no kā lākou hoʻopiʻi no ka ʻāina hoʻopulapula like ʻole e noi aku ai.
E ʻoluʻolu, e nānā pono i kēia mau hoʻolaha hoʻopiʻi. Inā hoihoi ʻoe e hoʻouna mai i kahi mea hoʻopololei a i ʻole waiho i ka hoʻopiʻi, e hana pēlā ma mua o Apelila 3, 2023.
Inā he mau ui, he mau nīnau, e kāhea aku i ka Luna Hoʻopiʻi. E leka uila iā, info@kalima-lawsuit.com a i ʻole e kelepona i ka helu 1-808-650-5551 a i ʻole 1-833-639-1308 (ʻAuhau ʻole).
