Photo: ʻIʻiwi
ʻIʻiwi, lele! - Photo: Christiana Hetzel

Read this article in English

He ʻoiaiʻo, he haliʻa aloha a he pilina pilipaʻa ko nā manu. He mea hoʻohālike lākou no ka liliuwelo ma waena o lākou me ka loli mau o ka nahele. Lele ana mai ʻō a ma ʻaneʻi e mūkīkī ana i ka wai o ka honua, he heke o nā heke ma ka nahele.

ʻIli ke aka ʻulaʻula nani lua ʻole o nā ʻōhiʻa lehua i nā hulu o ka ʻapapane. He piʻo ko ka ʻōhā wai i malele hoʻoliluwelo ai ka nuku o ka ʻiʻiwi, kahi manu mūkīkī ana i ka wai pua. Hoʻolaʻi mai ana kahi lālā lolea o ke kumu māmane i ka palila ma ka maluhia o ka pō.

E ui aku ana au iā ʻoe, aia i hea ke ola o nā manu i ka nahele ʻole? Aia i hea ke ola o ka nahele i ka manu ʻole? Ma ʻaneʻi nei kahi pilina pilipaʻa. Ma ʻaneʻi nei kahi e ola ai kākou. Pehea e ola ai ʻo Hawaiʻi i ko lākou loaʻa ʻole? Aʻohe mea nāna e kulaʻi i ko kākou aloha, a pēlā pū nō ke aloha o nā manu. No ka pono o ko mua aku, e ola aloha manu!

Ua kākau ʻia e Lisa Mason me Ben Catcho.