ʻĀwili ʻia ka ʻIke Hawaiʻi me na Hana Pāʻani Wikiō

0
69

Read this article in English

Photo: Cathy Cruz-George

Photo: Justin Santos

Na Cathy Cruz-George | Unuhi ʻia e Justin Santos

I ka makahiki aku nei, ua hakulau ʻekolu ʻōpio i kekahi pāʻani wikiō e ʻaʻa ana i ke ʻalo ʻana o nā ʻuhane o nā Kānaka Maoli o Hawaiʻi nei. Ua kapa ʻia ka inoa o ia pāʻani wikiō ʻo The Night March.

Ma loko o ke kōkoʻo ʻana me ka Waiwai Noho Kahu o Liliʻuokalani, ua hana pū nā kamaliʻi me Gameheads, he ʻoihana ʻenehana o ʻOkalana, Kaleponi. He papahana ko Gameheads i mākaukau loa ma ka hakulau pāʻani wikiō ʻana, a pēlā pū ka hoʻomohala ʻana i nā pāʻani wikiō me ka hoʻomākaukau pū i nā kamaliʻi no kēia ʻano ʻoihana.

Ua kaʻahele nā kamaliʻi i Kapalakiko mā e hōʻike iā The Night March i nā kānaka like ʻole i komo pū i kēia polokalamu a puni ka honua nei.

He laʻana kēia no ke ala nuʻukia o ka Waiwai Noho Kahu o Liliʻuokalani e hoʻolako a kākoʻo i ka makemake o nā kamaliʻi i kēia ʻano hana me ka hakulau ʻia ʻana o kēia mau ʻenehana. He ala ʻeuʻeu no nā kamaliʻi hoihoi i kēia mākau me ka lolo uila a pēlā aku.

ʻO ka pikoʻu Kanaka Maoli kā lākou e kia ana, a ma o nā moʻolelo Hawaiʻi i hōʻike ʻia ai ka ʻoiaʻiʻo o ia pikoʻu ma ka hana o ia pāʻani wikiō. Wahi a Chaezen P., he kamaliʻi o ka Waiwai Noho Kahu o Liliʻuokalani, “Ua ulu ka hoi i kēia pāʻani wikiō no ka mea ʻaʻole nui nā pāʻani wikiō e loaʻa ka ʻike me nā hana Hawaiʻi.”

E hoʻomau ʻia ka hoʻoikaika ʻana i ke kōkoʻo ma waena o ka Waiwai Noho Kahu o Liliʻuokalani me Gameheads i kēia mau mahina e hiki mai ana, e hoʻomaka ʻana ma kahi o 15 mau kamaliʻi hou aʻe e komo pū i kēia polokalamu i kēia makahiki. No Oʻahu mai, no Maui mai, a no Hawaiʻi Moku o Keawe mai e hui pū lākou ma ka pūnaewele a hele kino me ka poʻe kōkua o Gameheads.